داۋۇت يازغان مۇناجات
1ئى پەرۋەردىگار، كىم كىرەلەر مۇقەددەس چېدىرىڭغا،
كىم ساڭا ئىبادەت قىلالار مۇقەددەس سىئون تېغىڭدا؟
2ئىبادەت قىلالار ئۇ يەردە:
توغرا يولدا ماڭىدىغانلار،
ھەققانىي ئىش قىلىدىغانلار،
ھەقىقەتنى چىن دىلىدىن سۆزلەيدىغانلار،
3باشقىلارغا قارا چاپلىمايدىغانلار،
دوستىغا يامانلىق قىلمايدىغانلار،
قوشنىسىغا ھاقارەت قىلمايدىغانلار.
4پەسكەشلەردىن يىرگىنىدىغانلار،
تەقۋادارلارنى ھۆرمەتلەيدىغانلار،
زىيان تارتسىمۇ ۋەدىسىدە تۇرىدىغانلار.
5جازانىغا پۇل قەرز بەرمەيدىغانلار،
پارا يەپ بىگۇناھقا زىيان سالمايدىغانلار،
مەڭگۈ تەۋرەنمەستۇر مانا بۇلار.
